ସରକାରଙ୍କ ନିଷ୍ପତ୍ତି: ବାଣିଜ୍ୟିକ ଗ୍ୟାସ ଯୋଗାଣ ୨୦% କୁ ବୃଦ୍ଧି

ନୂଆଦିଲ୍ଲୀ: ପଶ୍ଚିମ ଏସିଆରେ ଜାରି ରହିଥିବା ଯୁଦ୍ଧ ପରିସ୍ଥିତି କାରଣରୁ ସୃଷ୍ଟି ହୋଇଥିବା ଶକ୍ତି ସଙ୍କଟ ମଧ୍ୟରେ କେନ୍ଦ୍ର ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି। ଦେଶର ବାଣିଜ୍ୟିକ କ୍ଷେତ୍ରକୁ ସୁଧାରିବା ପାଇଁ ଆସନ୍ତା ମାର୍ଚ୍ଚ ମାସଠାରୁ ବାଣିଜ୍ୟିକ LPG ଯୋଗାଣକୁ ପୂର୍ବ ସଙ୍କଟ ସ୍ତରର ୫୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରାଯାଇଛି। ସାଧାରଣ ଜନତାଙ୍କୁ ଆଶ୍ୱସ୍ତି ପ୍ରଦାନ ସହ ଅତ୍ୟାବଶ୍ୟକ ସେବା ଯେପରି ବାଧାପ୍ରାପ୍ତ ନହେବ, ସରକାର ସେଥିପ୍ରତି ବିଶେଷ ଧ୍ୟାନ ଦେଇଛନ୍ତି। ସରକାରଙ୍କ ଏହି ନୂତନ ନିଷ୍ପତ୍ତି ଦ୍ୱାରା ବିଶେଷ କରି ଖାଦ୍ୟ ସେବା କ୍ଷେତ୍ର ଏବଂ ସମ୍ପ୍ରଦାୟ ରୋଷେଇ ଘର ଉପକୃତ ହେବେ। ରେଷ୍ଟୁରାଣ୍ଟ, ହୋଟେଲ, ଢାବା ଏବଂ ଶିଳ୍ପଗୁଡ଼ିକୁ ପ୍ରାଥମିକତା ଭିତ୍ତିରେ ଗ୍ୟାସ୍ ଯୋଗାଇ ଦିଆଯିବ। ରାଜ୍ୟଗୁଡ଼ିକୁ କରାଯାଉଥିବା ବାଣିଜ୍ୟିକ ଗ୍ୟାସ୍ ଆବଣ୍ଟନରେ ୨୦ ପ୍ରତିଶତ ବୃଦ୍ଧି କରାଯାଇଛି। ଫଳରେ ରାଜ୍ୟଗୁଡ଼ିକ ଏବେ ଅତିରିକ୍ତ କୋଟା ପାଇବେ ଏବଂ ମୋଟ ଯୋଗାଣ ୫୦ ପ୍ରତିଶତରେ ପହଞ୍ଚିବ।