ସାମ୍ବାଦିକ ସମ୍ମିଳନୀ କରିବାକୁ ଚାହୁଁଛି ଗୋପାଳ! ମନକଥା ମିିଡ଼ିଆରେ କହିବାକୁ ଗୋପାଳର ଇଚ୍ଛା! ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେବ ଅଭିଯୁକ୍ତ ! କାହିଁକି ନବ ଦାସଙ୍କୁ ଗୁଳି ମାରିଲା ଜଣାଇବ ଗୋପାଳ!ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡକୁ ୧୪ ଦିନ ବିତିଥିଲେ ବି ପରଦା ହଟି ପାରିନି । ଏସବୁ ଭିତରେ ସାମନାକୁ ଆସିଛି ଏକ ଚାଞ୍ଚଲ୍ୟକର ଖବର । ସାମ୍ବାଦିକ ସମ୍ମିଳନୀ କରିବାକୁ ଚାହୁଁଛି ନବ ଦାସଙ୍କ ହତ୍ୟା ଅଭିଯୁକ୍ତ ଗୋପାଳ ଦାସ । ବିଶ୍ୱସ୍ତ ସୂତ୍ରରୁ ମିଳିଥିବା ଖବର ଅନୁସାରେ, ନବ ଦାସଙ୍କୁ କାହିଁକି ଗୁଳି ମାରିଲା ଲୋକଙ୍କୁ ଜଣାଇବାକୁ ଗୋପାଳର ଭାରି ଇଚ୍ଛା । ନିଜର ଏହି ଇଚ୍ଛାକୁ ପୂରଣ କରିବା ପାଇଁ କିଛି ତଦନ୍ତକାରୀ ଅଧିକାରୀଙ୍କୁ ପ୍ରବର୍ତ୍ତାଉଥିବା କୁହାଯାଉଛି ।
ସେ କାହିଁକି ନବ ଦାସଙ୍କୁ ଗୁଳି କରିଥିଲା, ସିଧାସଳଖ ଲୋକଙ୍କୁ ଜଣାଇବାକୁ ଗୋପାଳ ଚାହୁଁଛି । ଏଥିପାଇଁ ପ୍ରେସ କନଫରେନ୍ସର ଏକ ସୁଯୋଗ ଖୋଜୁଥିବା କୁହାଯାଉଛି । ଗଣମାଧ୍ୟମରେ ପ୍ରକାଶିତ ଖବରକୁ ଦେଖି ଜୋରରେ ହସୁଛି ଗୋପାଳ ଏବଂ ସାମ୍ବାଦିକ ସମ୍ମିଳନୀ କରି ସତ ସମସ୍ତଙ୍କ ସାମ୍ନାରେ ରଖିବା ପାଇଁ ଚାହୁଁଛି । ଗୋପାଳର ମନରେ ହତ୍ୟାକୁ ନେଇ ଅନୁତାପର ଚିହ୍ନବର୍ଣ୍ଣ ନାହିଁ । ଗୁଜୁରାଟ ଯିବା ବେଳେ ଝାରୁସୁଗୁଡା ଏୟାରପୋର୍ଟରେ ନିଜର ଖବର ନ୍ୟୁଜପେପରରେ ପଢି ହସୁଥିବାର ଦୃଶ୍ୟରୁ ହିଁ ଏହା ସ୍ପଷ୍ଟ ବାରି ହୋଇ ପଡୁଥିଲା । ଏସବୁ ଭିତରେ ବିମାନରେ ପ୍ରଥମ ଥର ବସି ଭାରି ଖୁସି ହୋଇଯାଇଛି ଗୋପାଳ ।
ନାର୍କୋ ଓ ପଲିଗ୍ରାଫ ଟେଷ୍ଟ ପାଇଁ ଗୋପାଳକୁ ଗୁଜୁରାଟ ନିଆଯାଇଛି । ବିମାନରେ ଯାତ୍ରା କରିବା ସମୟରେ ଗୋପାଳର ହାବଭାବକୁ ନେଇ ଏବେ ଖୁବ ଜୋରରେ ଚର୍ଚ୍ଚା ମଧ୍ୟ ଚାଲିଛି । ତେବେ ଗାନ୍ଧୀ ଛକରୁ ଗାନ୍ଧୀନଗରରେ ପହଁଞ୍ଚିଗଲାଣି କ୍ରାଇମବ୍ରାଞ୍ଚ । ହେଲେ ଏ ପର୍ଯ୍ୟନ୍ତ କାହିଁକି ନବ ଦାସଙ୍କୁ ଗୋପାଳ ଗୁଳି ମାରିଲା, ସେହି ରହସ୍ୟ ଉପରୁ ପରଦା ହଟାଇପାରୁନି ତଦନ୍ତକାରୀ ସଂସ୍ଥା ।