ଆଜି ୪ ଟି ରାଜ୍ୟସଭା ଆସନ ପାଇଁ ୪ ଜଣ ପ୍ରାର୍ଥୀଙ୍କ ନାଁ ଘୋଷଣାକରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ। ସେମାନଙ୍କ ମଧ୍ୟରୁ ୩ ଜଣ ନୂଆ ମୁହଁ ଥିବାବେଳେ ସସ୍ମିତ ପାତ୍ର ଦ୍ୱିତୀୟ ଥର ପାଇଁ ରାଜ୍ୟସଭା ଯିବେ। ଏହା ପୂର୍ବରୁ ସେ ୩ ବର୍ଷ ପାଇଁ ରାଜ୍ୟସଭାକୁ ଯାଇଥିଲେ। ରାଜ୍ୟସଭା ପାଇଁ ପ୍ରାର୍ଥୀ ତାଲିକା ଘୋଷଣା ପରେ ନିଜ ପ୍ରତିକ୍ରିୟାରେ ଶସ୍ମିତ ପତ୍ର କହିଛନ୍ତି, ମୋର ବିଶ୍ୱାସ ନଥିଲା କି ମତେ ପୁଣିଥରେ ରାଜ୍ୟସଭା ପାଇଁ ବଛିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କିନ୍ତୁ ରାଜ୍ୟସଭା ପାଇଁ ମୋ ନାଁ ଘୋଷଣା କରିଥିବାରୁ ମୁଖ୍ୟମନ୍ତ୍ରୀଙ୍କୁ ବହୁତ ବହୁତ ଧନ୍ୟବାଦ । ସାଢେ ଚାରି କୋଟି ଓଡିଶାବାସୀଙ୍କ ସ୍ୱରକୁ ଦିଲ୍ଲୀ ଦରବାରରେ ସାଣିତ କରିବା ପାଇଁ ସୁଯୋଗ ମିଳିଛି । ନବୀନ ପଟ୍ଟନାୟକଙ୍କ ନେତୃତ୍ୱରେ ସାଢେ ଚାରିକୋଟି ଓଡିଆଙ୍କ ପାଇଁ କାର୍ଯ୍ୟ କରିବି ।
ସେ ଆହୁରି ମଧ୍ୟ କହିଛନ୍ତି କି, ମୋ ଭଳି ଜଣେ ସାଧାରଣ ବ୍ୟକ୍ତିଙ୍କୁ ପୁଣିଥରେ ସୁଯୋଗ ଦେବା ଏହା ସମସ୍ତଙ୍କ ପାଇଁ ଏହା ଏକ ଉଦାହରଣ । ଖାସକରି ଯୁବ ବର୍ଗଙ୍କ ପାଇଁ । କାହିଁକି ନା ଯଦି ବିଜୁ ଜନତା ଦଳ ପାଇଁ କାମ କରିବେ, ପରିଶ୍ରମ କରିବେ ତାହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଶ୍ଚୟ ସୁଯୋଗ ଦେବେ ।