ବର୍ତ୍ତମାନ ସମୟରେ ଫୁଲ ଚାଷ ପାଇଁ ସମସ୍ତେ ଆଗ୍ରହୀ I ଏ ପରି କିଛି ଫୁଲ ରହିଛି ଯାହା ଦେଖିବାକୁ ମନଲୋଭା ହେବା ସହିତ ଅନେକ ଦିନ ପର୍ଯ୍ୟନ୍ତ ସତେଜ ରହିଥାଏ I ସେହିଭଳି ଫୁଲ ଚାଷ କୃଷକମାନଙ୍କ ପାଇଁ ଲାଭଦାୟକ ବୋଲି ପ୍ରମାଣିତ ହୋଇ ସାରିଛି I କାରଣ ପ୍ରତ୍ୟେକ ଋତୁରେ ଏବଂ ପୂଜା ପର୍ବରେ ଫୁଲର ଚାହିଦା ବେଶ ରହିଥାଏ I ବିଭିନ୍ନ ସାଜସଜ୍ଜା ପାଇଁ ମଧ୍ୟ ଫୁଲ ବ୍ୟବହୃତ ହୁଏ I ତେବେ ଆସନ୍ତୁ ଜାଣିବା ଏପରି ଏକ ଫୁଲ ଚାଷ ବିଷୟରେ ଯାହାକି ଆପଣଙ୍କୁ ବହୁତ କମ ସମୟ ମଧ୍ୟରେ ଧନୀ କରି ପାରିବ I
ପ୍ରକୃତରେ , ଭାରତରେ ଜାର୍ବେରା ନାମକ ଏକ ଫୁଲ ଚାଷ କରାଯାଏ, ଯାହା କି ସାରା ବିଶ୍ୱରେ ଚାଷ କରାଯାଇଥାଏ I କାରଣ ଏହି ଫୁଲ ଅନେକ ଦିନ ପର୍ଯ୍ୟନ୍ତ ସତେଜ ରହୁଥିବାରୁ ଏହାକୁ ବିଭିନ୍ନ ପ୍ରକାର ପୁଷ୍ପଗୁଚ୍ଛ ତିଆରି ପାଇଁ ଏବଂ ସାଜସଜ୍ଜାରେ ବ୍ୟବହାର କରାଯଇଥାଏ ,ତେଣୁ ଏହା ଅଳଙ୍କାର ଫୁଲ ଗଛ ଭାବରେ ଲୋକପ୍ରିୟ I ଭାରତରେ ଏହା ହିମାଚଳ ପ୍ରଦେଶ, ଜାମ୍ମୁ କାଶ୍ମୀର ଏବଂ ଅନ୍ୟାନ୍ୟ ବରଫ ଅଞ୍ଚଳରେ ଜାର୍ବେରା ଫୁଲ ଚାଷ କରାଯାଏ। ଜାର୍ବେରା ଫୁଲ ବିଷୟରେ ଗୋଟିଏ ଭଲ କଥା ହେଉଛି ଯେ ଏହାକୁ ‘ଗ୍ରୀନହାଉସ୍ ଫାର୍ମିଂ’ ମାଧ୍ୟମରେ ସମଗ୍ର ଭାରତରେ ଚାଷ କରାଯାଇପାରିବ I
ଜାର୍ବେରା ଫୁଲର ପରିଚୟ
ଜାର୍ବେରା ଫୁଲ Asteraceae ପରିବାରର ଅନ୍ତର୍ଭୁକ୍ତ ଅଟେ I ଜାର୍ବେରା ଫୁଲଗୁଡ଼ିକ ଦେଖିବାକୁ ଉଜ୍ଜ୍ୱଳ ରଙ୍ଗୀନ, ଏକ ମଝି ଅଂଶଟି ସୁନେଲି କେନ୍ଦ୍ର ସହିତ ମୋଟା ପାଖୁଡା ଦ୍ୱାରା ଘେରି ରହିଥାଏ, ଯେଉଁଥିରେ ପାଖୁଡା ଗୁଡିକ ଚମକିଲା ପରି ଦେଖାଯାଏ I ଜାର୍ବେରା ଫୁଲକୁ ସାଧାରଣତ ଆଫ୍ରିକୀୟ ଡେଜି ବା ଜାର୍ବେରା ଡେଜି କୁହାଯାଏ I ତେଣୁ ଜାର୍ବେରା ଫୁଲଗୁଡିକର ବହୁତ ଚାହିଦା ରହିଛି ,କାରଣ ଏହା ର ସତେଜତା ଦୀର୍ଘ ସମୟ ପର୍ଯ୍ୟନ୍ତ ରହିଥାଏ , ତେଣୁ ଏହି ଫୁଲକୁ ବିବାହ, ପାର୍ଟୀ ଏବଂ ଉତ୍ସବରେ ବହୁଳ ଭାବରେ ବ୍ୟବହାର କରାଯାଇଥାଏ I
ଜାର୍ବେରା ଫୁଲ ଚାଷ ପାଇଁ ଜଳବାୟୁ
ଜାର୍ବେରା ଫୁଲ ଚାଷ ପାଇଁ ଉଭୟ ଟ୍ରପିକାଲ୍ ଏବଂ ଉପ-ଟ୍ରପିକାଲ୍ ଅବସ୍ଥା ଗର୍ବେରା ଚାଷ ପାଇଁ ଉପଯୁକ୍ତ I ତଥାପି, ଧ୍ୟାନ ଦିଅନ୍ତୁ ଯେ ସବଟ୍ରୋପିକାଲ୍ ଜଳବାୟୁ କ୍ଷେତ୍ରରେ, ଏହାକୁ ବରଫରୁ ରକ୍ଷା କରାଯିବା ଉଚିତ, କାରଣ ଏହା ବରଫ ପ୍ରତି ଅତ୍ୟନ୍ତ ସମ୍ବେଦନଶୀଳ I
ଜାର୍ବେରା ଫୁଲ ଚାଷ ପାଇଁ ତାପମାତ୍ରା ଆବଶ୍ୟକତା |
ଜାର୍ବେରା ଫୁଲର ଚାଷ ପାଇଁ ସବୁଠାରୁ ଉତ୍ତମ ତାପମାତ୍ରା ହେଉଛି ଦିନରେ 22 ରୁ ୨୫ ⁰ଡିଗ୍ରୀ ଏବଂ ରାତିରେ ୧୨ ରୁ ୧୬ଡିଗ୍ରୀ ମଧ୍ୟରେ ରହିବା ଆବଶ୍ୟକ I
ଜାର୍ବେରା ଫୁଲ ଚାଷ ପାଇଁ ମୃତ୍ତିକା
ଜାର୍ବେରା ଫୁଲ ଚାଷ ପାଇଁ ମାଟି ଶୁଖିଲା ଏବଂ ସାମାନ୍ୟ ବାଲିଆ ଖସଖସିଆ ହୋଇଥିବା ଦରକାର I କାରଣ ଏହି ଫୁଲ ଗଛ ର ମୂଳ ୭୦ ସେମି ପର୍ଯ୍ୟନ୍ତ ମାଟି ତଳକୁ ଯାଇଥାଏ ଇ ତେଣୁ ମାଟି ଯଦି ଟାଣ ହୁଏ ଏହା ର ଚେର ଠିକ ଭାବରେ ବଢି ପାରି ନ ଥାଏ I ତେଣୁ ଅନେକ ସମୟରେ ଗଛ ରୁଗ୍ଣ ହୋଇଯାଇଥାଏ I
ଏଥି ସହିତ, ଫୁଲ ଗଛ ରୋପଣରେ ମୃତ୍ତିକାର ନିରାକରଣ ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟ I ମାଟିରେ ଆବଶ୍ୟକ ଔଷଧ ପକାଇ ମାଟିକୁ ଜୀବାଣୁ ମୁକ୍ତ କରିବା ଆବଶ୍ୟକ ନହେଲେ ଜଲ୍ଦି ଗଛରେ ପୋକ ଲାଗି ଯିବାର ଆଶଙ୍କା ରହିଥାଏ I
କେମିତି କରିବେ ସାର ର ପ୍ରୟୋଗ :
ଉତ୍ତମ ଫୁଲ ଅମଳ ଏବଂ ଫୁଲ ଗଛ ର ବୃଦ୍ଧି ପାଇଁ ଗଛରେ ଖତ ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ I ଏଥିପାଇଁ ଆମକୁ ଏହି ଜିନିଷଗୁଡ଼ିକ ପ୍ରତି ଧ୍ୟାନ ଦେବା ଉଚିତ୍ I ପ୍ରଥମ ତିନି ମାସ ପାଇଁ, ମାଟିରେ ନାଇଟ୍ରୋଜେନ୍, ଫୋସ୍ଫେଟ୍, ପୋଟାସିୟମ୍ ର ପରିମାଣ ହି 12:15:20 ଗ୍ରାମ୍ ଅନୁପାତରେ ରଖିବା ଉଚିତ୍ I ଏହା ପରେ , ଚତୁର୍ଥ ମାସରେ, ନାଇଟ୍ରୋଜେନ୍, ଫସଫେଟ୍, ପୋଟାସିୟମ୍ ସହିତ ସାରର ଅନୁପାତ 15: 10:30 g / ବର୍ଗ ମିଟର ହେବା ଉଚିତ I ସେହିପରି କ୍ୟାଲସିୟମ୍, ମ୍ୟାଗ୍ନେସିୟମ୍, ତମ୍ବା ପରି ମାଇକ୍ରୋନ୍ୟୁଟ୍ରିଏଣ୍ଟସ୍ ମାସକୁ ଠାରେ ସ୍ପ୍ରେ କରିବା ଉଚିତ I
ଅମଳ
ସାଧାରଣତ ଜାର୍ବେରା ଗଛ ଲଗାଇବାର ତିନିମାସ ମଧ୍ୟରେ ଫୁଲ ଫୁଟିବା ଆରମ୍ଭ କରେ, କିନ୍ତୁ, ରୋପଣର ପ୍ରଥମ ଦୁଇ ମାସରେ, ଯଦି ଗଛରେ କଢ ହୁଏ, ତେବେ ଏହାକୁ ଛିଣ୍ଡାଇଦିଆଯାଇଥାଏ I ପ୍ରଥମ ଦୁଇମାସ ପରେ, ଯେଉଁ କଢ ହୋଇଥାଏ ତାହା ସମ୍ପୂର୍ଣ୍ଣ ଫୁଲରେ ବିକଶିତ ହୋଇଥାଏ I ଯେତେବେଳେ ଫୁଲଗୁଡ଼ିକ ପୁରା ଫୁଲରେ ଥାଏ, ସେଗୁଡ଼ିକ ଅମଳ କରାଯାଏ I ଯେତେବେଳେ ଫୁଲଗୁଡ଼ିକ ସମ୍ପୂର୍ଣ୍ଣ ପ୍ରସ୍ଫୁଟିତ ହୋଇଯାଏ ତାକୁ ଡେମ୍ଫ ରୁ କାଟି ଫୁଲକୁ ସତେଜ ରଖିବା ପାଇଁ ସୋଡିୟମ୍ ହାଇପୋକ୍ଲୋରାଇଟ୍ ଦ୍ରବଣରେ କିଛି ଘଣ୍ଟା ବୁଡାଇ ରଖାଯାଇଥାଏ I ଏହା ପରେ ତାକୁ ପଲି ପ୍ୟାକ କରି ଛାଇ ସ୍ଥାନ ରେ ରଖାଯାଇଥାଏ I ଏହା ପରେ କାର୍ଡବୋର୍ଡ ଖୋଳରେ ପ୍ୟାକ କରି ସପ୍ଲାଇ କରାଯାଇଥାଏ I