ଟେସଲା କମ୍ପାନୀର ସିଇଓ ଏଲୋନ୍ ମସ୍କ ଆଜି ନିଜ ମୃତ୍ୟୁ କୁ ନେଇ ଟ୍ୱିଟ କରି ସୋସିଆଲ ମିଡ଼ିଆ ର ଶିରୋନାମାରେ ରହିଛନ୍ତି । କିନ୍ତୁ, ତାଙ୍କ ମା ମାୟେ ମସ୍କ ଏହି ଟ୍ୱିଟକୁ ନା ପସନ୍ଦ କରି ରି ଟ୍ୱିଟ କରିଛନ୍ତି I
ଏଲନ୍ ମସ୍କ ଟ୍ବିଟ୍ କରିଥିଲେ ଯେ, ‘ଯଦି ମୁଁ ରହସ୍ୟମୟ ସ୍ଥିତିରେ ମରିଯାଏ ! ’ ତାଙ୍କର ଏହି ଟ୍ବିଟ୍ ପରେ ତାଙ୍କ ମା’ ରିପ୍ଲାଏ ଦେଇ ଲେଖିଥିଲେ, ‘ଏମିତି ମଜାକ ଭଲ ନୁହେଁ ।’ ଏଲନ୍ ମସ୍କ ପୁଣି ଲେଖିଥିଲେ, ‘କ୍ଷମା କରିବେ ! ମୁଁ ଜୀବିତ ରହିବାକୁ ପୁରା ଚେଷ୍ଟା କରିବି ।’
ଉଲ୍ଲେଖଯୋଗ୍ୟ ଯେ, ଏଲନ୍ ମସ୍କଙ୍କ ଏହି ଟ୍ବିଟ୍ ତାଙ୍କର ୯ କୋଟିରୁ ଅଧିକ ଫଲୋଅର୍ସଙ୍କ ମଧ୍ୟରେ ସୋସିଆଲ ମିଡିଆରେ ଆଲୋଡନ ସୃଷ୍ଟି କରିଛି । ଜଣେ ୟୁଜର ଟ୍ବିଟ୍ କରି ଲେଖିଛନ୍ତି, ‘ନା, ଆପଣ ମରିବେନାହିଁ । ବିଶ୍ବକୁ ଆପଣଙ୍କର ଆବଶ୍ୟକତା ଅଛି ।’ ଆଉ ଜଣେ ୟୁଜର ଲେଖିଛନ୍ତି, ‘ଆମକୁ ଆପଣଙ୍କ ରକ୍ଷା କରିବା ଉଚିତ । ମାନବ ସମାଜ ଆପଣଙ୍କ ଉପରେ ବିଶ୍ବାସ କରୁଛି ।’
ମସ୍କ ଙ୍କ ମୃତ୍ୟୁ ଜନିତ ପୋଷ୍ଟ ଏହା ପ୍ରଥମ ଘଟଣା ନୁହେଁ I ଚଳିତ ବର୍ଷ ମାର୍ଚ୍ଚରେ ସେ ଟୁଇଟ୍ କରି କହିଥିଲେ କି ମୃତ୍ୟୁ ତାଙ୍କ ପାଇଁ ଏକ ଆରାମ ହେବ। ଏହା ପୂର୍ବରୁ ଏକ ସାକ୍ଷାତକାରରେ ଏଲୋନ୍ ମସ୍କ କହିଥିଲେ ଯେ ସେ ଦୀର୍ଘ ସମୟ ପର୍ଯ୍ୟନ୍ତ ସ୍ୱାସ୍ଥ୍ୟ ବାନ ରହିବାକୁ ଚାହୁଁଛନ୍ତି।