ରାଜ୍ୟରେ ପଂଚାୟତ ନିର୍ବାଚନ ପାଇଁ ପ୍ରଚାର ଜୋର ଧରିଛି ଇ ନିର୍ବାଚନ ପ୍ରଚାର ମୈଦାନ ରେ ଯାଇ କେଉଁଠି ନେତାମାନେ ଳିକମାନଙ୍କ ପ୍ରଶ୍ନବାଣରେ ହଟହଟI ହେଲେଣି ତ କେଉଁଠି ଦୁଇ ଗୋଷ୍ଠୀଙ୍କ ଭିତରେ ଗଣ୍ଡଗୋଳ ଉଗ୍ରରୂପ ନେଲଣି I ଅନେକ ସ୍ଥାନରେ ପ୍ରାର୍ଥୀମାନଙ୍କର ପୋଷ୍ଟର ଚିରା ସହିତ ଗାଡି ଭଙ୍ଗା ରୁଜା ଖବର ସାମ୍ନାକୁ ଆସୁଛି ଇ ସେହିଭଳି ଧାମରା ନିକଟସ୍ଥ ପଞ୍ଚୁଟିକ୍ରି ପଂଚାୟତରେ ୨ଗୋଷ୍ଠୀ ମଧ୍ୟରେ ଗଣ୍ଡଗୋଳ ଲାଗି ୨ ଜଣ ଆହତ ହୋଇଥିବା ଜଣାଯାଇଛି। ପ୍ରାକ ନିର୍ବାଚନ ପରିପ୍ରେକ୍ଷୀରେ ପଞ୍ଚୁଟିକ୍ରି ପଂଚାୟତରେ ୨ଗୋଷ୍ଠୀ ମଧ୍ୟରେ କଥା କଟାକଟିକୁ ନେଇ ସନ୍ଧ୍ୟା ସମୟରେ କନ୍ଦଳ ଆରମ୍ଭ ହୋଇଥିଲା। ପରେ ବାଂଶଡା ପୁଲିସ ଏବଂ କରଞ୍ଜମାଳ ପୁଲିସ ପଞ୍ଚୁଟିକ୍ରିଠାରେ ପହଞ୍ଚି ଆପୋଷ ଆଲୋଚନା ମାଧ୍ୟମରେ ଦଫାରଫା କରିଥିଲା। ମାତ୍ର ବିଳମ୍ବିତ ରାତିରେ ପୁନଶ୍ଚ ସନ୍ଧ୍ୟା ସମୟରେ ହୋଇଥିବା ଝିମିଟି ଖେଳକୁ ନେଇ ମହାଭାରତ ଆରମ୍ଭ ହେବା ସହ ୨ଗୋଷ୍ଠୀ ମଧ୍ୟରେ ତୁମୁଳ ଗଣ୍ଡଗୋଳ ହୋଇଥିଲା। ଏହି ଗଣ୍ଡଗୋଳରେ ୨ ଗୋଷ୍ଠୀର ୨ଜଣ ଆହତ ହୋଇ ପଞ୍ଚୁଟିକ୍ରି ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚିଥିବା ବେଳେ ସେମାନଙ୍କ ମୁଣ୍ଡରେ ଗଭୀର ଆଘାତ ଲାଗି ୩ଟି ଲେଖାଏଁ ସିଲେଇ ପଡିଥିଲା। ଖବର ଲେଖା ହେବା ପର୍ଯ୍ୟନ୍ତ କୌଣସି ଗୋଷ୍ଠୀ କେହି କାହାରିଙ୍କ ନାମରେ ଥାନାରେ ଲିଖିତ ଅଭିଯୋଗ କରି ନଥିବା ଜଣାଯାଇଛି। ଅନ୍ୟ ପକ୍ଷରେ ବାଂଶଡା ଥାନାଧିକାରୀ ୨ ଗୋଷ୍ଠୀର ମୁଷ୍ଟିମେୟ ଲୋକଙ୍କୁ ଡାକି ଏକ ଶାନ୍ତି କମିଟି ଆଜି ସନ୍ଧ୍ୟାରେ ଗଢିବାକୁ ପ୍ରୟାଶ ଜାରୀ ରଖିଛନ୍ତି। ଅନ୍ୟ ପକ୍ଷରେ ପ୍ରାକ ନିର୍ବାଚନ ପରିପ୍ରେକ୍ଷୀରେ ଏହା ଏକ ଝଲକ ବୋଲି ସାଧାରଣରେ ଚର୍ଚା ହେଉଥିବା ବେଳେ ଏହାର ପୂର୍ଣ ରୂପାୟନ ଦେଖିବାକୁ ବାକି ରହିଲା ବୋଲି ମଧ୍ୟ ଚା ଖଟିରେ ଆଲୋଚନା ହେଉଥିବା ବେଳେ ତୁରନ୍ତ ଏହି ଅଂଚଳରେ ବ୍ୟାପକ ପୁଲିସ ମୁତୟନ କରାଗଲେ ପଞ୍ଚୁଟିକ୍ରି ଭଳି ପଂଚାୟତକୁ ଆୟତକୁ ଅଣାଯାଇ ପାରିବ ନଚେତ ପରିସ୍ଥିତି ଅଣାୟତ ହେଲେ ପ୍ରଶାସନ ପାଇଁ ଏହା ମୁଣ୍ଡ ବ୍ୟଥାର କାରଣ ପାଲଟିବ।ଅନ୍ୟ ପକ୍ଷରେ ପଞ୍ଚୁଟିକ୍ରି ପଂଚାୟତରେ ସମ୍ବେଦନଶୀଳ ବୁଥ ୨ଟି ଥିବା ବେଳେ ଅତିସମ୍ବେଦନଶୀଳ ବୁଥ ୪ଟି ଅଛି ବୋଲି ସରକାରୀ ସୂତ୍ରରୁ ପ୍ରକାଶ।