ଆପଣ ଯଦି ଅନେକ ପରିଶ୍ରମ ସତ୍ତ୍ୱେ ଆର୍ଥିକ ସଙ୍କଟ ଦେଇ ଗତି କରୁଥାନ୍ତି କିମ୍ବା ଦାରିଦ୍ର୍ୟତା ଆପଣଙ୍କ ପିଛା ଛାଡୁ ନଥାଏ ,ତେବେ ନିରାଶ ହୁଅନ୍ତୁ ନାହିଁ I ଆପଣଙ୍କ ବାଡ଼ି ବଗିଚାରେ ଥିବା ଏହି ଫୁଲ ଆପଣଙ୍କୁ କରିପାରିବ ଆର୍ଥିକ ସଙ୍କଟରୁ ମୁକ୍ତ I ଏହି ଫୁଲ ର କେତୋଟି ପ୍ରଭାବଶାଳୀ ସରଳ ଉପାୟ ବିଷୟରେ ଆସନ୍ତୁ ଜାଣିବା :
ଆର୍ଥିକ ସଙ୍କଟ ଦୂର ପାଇଁ ‘ଅପରାଜିତା ଫୁଲ’ :
ଆପଣଙ୍କ ପାଇଁ ଏହି ସରଳ ଉପାୟ ଟି ହେଉଛି କୌଣସି ସୋମବାର କିମ୍ବା ଶନିବାର ଦିନ ୩ଟି ଅପରାଜିତା ଫୁଲ ନେଇ ନଦୀ ପାଣିରେ ଭସାଇ ଦିଅନ୍ତୁ I ଏହା ଆର୍ଥିକ ସଙ୍କଟରୁ ମୁକ୍ତି ମିଳିଥାଏ। ଏହି ଉପାୟ ଟି ଲଗାତାର ୩ ସପ୍ତାହ ଯାଏଁ କରନ୍ତୁ ।
ମନ ପସନ୍ଦ ର ଚାକିରୀ ପାଇଁ ‘ଅପରାଜିତା ଫୁଲ’ :
ବାରମ୍ବାର ଶତ ଚେଷ୍ଟା ସତ୍ତ୍ୱେ ଯଦି ଆପଣ ମନ ପସନ୍ଦ ର ଚାକିରୀ ପାଉନ ଥାନ୍ତି ତେବେ ୫ଟି ଅପରାଜିତା ଫୁଲ ସହ ୫ ଖଣ୍ଡ ଫିଟକିରି ନିଜ ଠାକୁର ଘରେ ଥିବା ଠାକୁର ଙ୍କୁ ଅର୍ପଣ କରନ୍ତୁ । ତା ପର ଦିନ ସେହି ଅପରାଜିତା ଫୁଲକୁ ନିଜ ପର୍ସରେ ରଖି ଦିଅନ୍ତୁ। ଇଣ୍ଟରଭ୍ୟୁକୁ ଯିବାବେଳେ ଏହାକୁ ସାଥିରେ ନେଇ ଯାଆନ୍ତୁ। ଏହି ସରଳ ଉପାୟଟି କଲେ ଅବଶ୍ୟ ସଫଳତା ପ୍ରାପ୍ତ ହେବ।
ଘରେ ସୁଖ ଶାନ୍ତି ପାଇଁ ‘ଅପରାଜିତା ଫୁଲ’ :
ଜ୍ୟୋତିଷଶାସ୍ତ୍ର ଅନୁସାରେ, ଶନିବାର ଦିନ ଶନିଦେବଙ୍କୁ ଅପରାଜିତା ଫୁଲର ମାଳ ଅର୍ପଣ କଲେ ଶନିଦେବ ପ୍ରସନ୍ନ ହୋଇଥାନ୍ତି। ଏହାଦ୍ୱାରା ଜୀବନରେ ଥିବା ସମସ୍ୟା ଶେଷ ହୋଇଥାଏ। ତାଛଡା ଉନ୍ନତି ଓ ସୁଖଶାନ୍ତି ପାଇଁ ସୋମବାର ଦିନ ଶିବଲିଙ୍ଗରେ ନୀଳ କିମ୍ବା ଧଳା ଅପରାଜିତା ଫୁଲ ଅର୍ପଣ କରନ୍ତୁ।
ବିବାହ ବିଳମ୍ବ ହେଉଥିଲେ ‘ଅପରାଜିତା ଫୁଲ’ :
ଯଦି ବିବାହ ପ୍ରସ୍ତାବ ଆସୁନାହିଁ କିମ୍ବା ଦାମ୍ପତ୍ୟ ଜୀବନରେ ସମସ୍ୟାର ସମ୍ମୁଖୀନ ହେଉଛନ୍ତି, ତେବେ କୌଣସି ନିର୍ଜନ ସ୍ଥାନ କୁ ଯାଇ ପାଞ୍ଚଟି ଅପରାଜିତା ଫୁଲକୁ ମାଟି ତଳେ ପୋତି ଦିଅନ୍ତୁ I ମନେ ରଖନ୍ତୁ ମାଟି ଖୋଲିବା ସମୟରେ କାଠ ର ବାଡ଼ି ବ୍ୟବହାର କରନ୍ତୁ I ଏହି ଉପାୟ ଦ୍ୱାରା , ବିବାହ କିମ୍ବା ଦାମ୍ପତ୍ୟ ଜୀବନ ସହିତ ଜଡିତ ସମସ୍ତ ସମସ୍ୟାରୁ ମୁକ୍ତି ମିଳିଥାଏ I
ମନୋସ୍କାମନା ପୂରଣ ପାଇଁ ‘ଅପରାଜିତା ଫୁଲ’ :
ମନୋସ୍କାମନା ପୂର୍ଣ୍ଣ ପାଇଁ ନୀଳ ରଙ୍ଗର ଅପରାଜିତା ଫୁଲର ମାଳ ତିଆରି କରି କୌଣସି ଦେବୀ, ଭଗବାନ ବିଷ୍ଣୁ ଓ ଭଗବାନ ଶିବଙ୍କୁ ଅର୍ପଣ କରନ୍ତୁ। ଏହି ଉପାୟ ଦ୍ୱାରା ଦେବାଦେବୀ ପ୍ରସନ୍ନ ହୋଇଥାନ୍ତି ଓ ମନୋସ୍କାମନା ପୂରଣ କରିଥାନ୍ତି।