ପଶ୍ଚିମବଙ୍ଗ: ଇଣ୍ଡିଆରୁ ଅଲଗା ହେବେ କି ମମତା ବାନର୍ଜୀ? ଏକାକୀ ଲଢ଼ିବେ ଦିଦି। ଲୋକସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ଦେଖା ଦେଲାଣି ଫାଟ। ବିରୋଧୀ ଇଣ୍ଡିଆ ଆଲାଏନ୍ସ ଏକ ବଡ଼ ଧରଣର ବିପର୍ଯ୍ୟୟର ସମ୍ମୁଖୀନ ହୋଇଛି। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣ ମୂଳ କଂଗ୍ରେସ (ଟିଏମସି) ମୁଖ୍ୟ ମମତା ବାନାର୍ଜୀ ‘ଏକଲା ଚାଲୋ’ ସ୍ଲୋଗାନ ଦେଇଛନ୍ତି। ଲୋକସଭା ନିର୍ବାଚନରେ ଟିଏମସି ଏକାକୀ ପ୍ରତିଦ୍ୱନ୍ଦ୍ୱିତା କରିବ ବୋଲି ମମତା ବାନାର୍ଜୀ ଘୋଷଣା କରିଛନ୍ତି। ମମତାଙ୍କ ଏହି ଘୋଷଣା ସହିତ ବିରୋଧୀ ଗଠାବନ୍ଧନର ଚିତ୍ର ଏବଂ ଭବିଷ୍ୟତକୁ ନେଇ ସଙ୍କଟର ମେଘ ଆହୁରି ଗଭୀର ହୋଇଛି।
ଯେତେବେଳେ ମମତା ବାନାର୍ଜୀ ଏହି ଘୋଷଣା କଲେ, ମେଣ୍ଟରେ ତାଙ୍କର ଅବହେଳାର ଯନ୍ତ୍ରଣା ଏବଂ ତିକ୍ତତା ମଧ୍ୟ ଦୃଶ୍ୟମାନ ହେଉଛି। ସେ କହିଥିଲେ ଯେ ମୁଁ ଯାହା ପରାମର୍ଶ ଦେଲି, ସମସ୍ତେ ପ୍ରତ୍ୟାଖ୍ୟାନ କଲେ। ଏସବୁ ପରେ ଆମେ ଏକାକୀ ବଙ୍ଗଳା ଯିବାକୁ ସ୍ଥିର କଲୁ। ରାହୁଲ ଗାନ୍ଧୀଙ୍କ ନାମ ନନେଇ ସେ ଆହୁରି ମଧ୍ୟ କହିଛନ୍ତି ଯେ ସେ ପଶ୍ଚିମବଙ୍ଗ ଗସ୍ତ କରିବାକୁ ଯାଉଛନ୍ତି, ସୌଜନ୍ୟମୂଳକ ଭାବେ ମଧ୍ୟ ତାଙ୍କୁ ଏ ବିଷୟରେ ସୂଚନା ଦିଆଯାଇ ନାହିଁ। ମମତା ବାନାର୍ଜୀ କହିଛନ୍ତି ଯେ ଏସବୁ ବିଷୟରେ ଆମ ସହ କୌଣସି ପ୍ରକାରର ଆଲୋଚନା ହୋଇନାହିଁ। ଏହା ସଂପୂର୍ଣ୍ଣ ଭୁଲ ଅଟେ।
ତେବେ ଲୋକସଭା ନିର୍ବାଚନ ପାଇଁ ୨୮ ଟି ବିରୋଧୀ ଦଳ ଇଣ୍ଡିଆ ଆଲାଇନ୍ସର ବ୍ୟାନରରେ ଗୋଟିଏ ପ୍ଲାଟଫର୍ମରେ ଏକାଠି ହୋଇଥିଲେ। ବିରୋଧୀ ଦଳ ଏନଡିଏକୁ ଏକଜୁଟ ହୋଇ ପରାସ୍ତ କରିବାକୁ ଏବଂ ଏହାକୁ ନିର୍ବାଚନୀ ଚ୍ୟାଲେଞ୍ଜ ଦେବାକୁ ଯୋଜନା କରୁଥିଲା, କିନ୍ତୁ ବର୍ତ୍ତମାନ ମମତା ମେଣ୍ଟକୁ ଏକ ବଡ ଝଟକା ଦେଇଛନ୍ତି।