ଭୁବନେଶ୍ୱର : ଝାରପଡା ଜେଲରେ କମିଶନରେଟ ପୋଲିସର ରେଡ। ଡିପିସିଙ୍କ ନେତୃତ୍ବରେ ରେଡ କରିଛି ପୋଲିସ। ଜେଲର ସବୁ ସେଲରେ ଚାଲିଛି ଖାନ ତଲାସୀ। ଚଢ଼ାଉ ସମୟରେ ଜେଲ ଭିତରୁ ବିଭିନ୍ନ ନିଶା ଦ୍ରବ୍ୟ ଜବତ ହୋଇଛି I ଏହି ଚଢ଼ାଉ ରେ ୨ ଜଣ ଆଡିସନାଲ ଡିସିପି I ୫ ଜଣ ଏସିପି,୧୧ ଜଣ ଇନିସ୍ପେକଟର,୨୨ଜଣ ଏସଆଇ,ଏବଂ ୪ ପ୍ଲାଟୁନ ଫୋର୍ସ ନିୟୋଜିତ ଥିଲେ I ନିଶା କାରବାରକୁ ନେଇ ମଙ୍ଗଳବାର ଦିନ ଜେଲ ଭିତରେ ୨ ଗୋଷ୍ଠୀଙ୍କ ମଧ୍ୟରେ ସଂଘର୍ଷ ଘଟିଥିଲା I ଏଥିରେ ୪ ଜଣ କଏଦୀ ଗୁରୁତର ହୋଇ କ୍ୟାପିଟାଲ ହସ୍ପିଟାଲ ରେ ଚିକିତ୍ସିତ ଅଛନ୍ତି ।
ପୂର୍ବ ବିବାଦ ଓ ନିଶା କାରବାରକୁ ନେଇ ୨ ଗୋଷ୍ଠୀ ଚକରା ଓ ଶମ୍ଭୁଆ ଗ୍ୟାଙ୍ଗ ଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ ଜଣଙ୍କର ଗୋଟିଏ ଆଖି ନଷ୍ଟ ହେବ ସହ ୩ ଜଣ ଆହତ ହୋଇଥିଲେ I ଘଟଣାକୁ ନେଇ ଜେଲ କର୍ତ୍ତୃପକ୍ଷଙ୍କ ଏତଲା ପରେ ଲକ୍ଷ୍ମୀସାଗର ଥାନାରେ ମାମଲା ରୁଜୁ ହୋଇଛି। ଘଟଣାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛି ଜେଲ ବିଭାଗ। ଏହା ପରେ ଆଜି ଡିସିପିଙ୍କ ନେତୃତ୍ବରେ ଜେଲରେ ରେଡ୍ କରିଛି ପୋଲିସ।