ତାମିଲନାଡୁର କୋଏମ୍ବାଟୁରଠାରେ ପାଳିତ ହୋଇଛି ଆନ୍ତର୍ଜାତିକ ଆର୍ଟ ଅଫ ଗିଭିଂ ଦିବସ। କୋଏମ୍ବାଟୁରର କେପିଆର ଇନ୍ଷ୍ଟିଚ୍ୟୁଟ୍ ଅଫ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜିରେ ଅନୁଷ୍ଠିତ ଏହି ଦିବସରେ କାଦମ୍ବିନୀର ସମ୍ପାଦିକା ଡ. ଇତି ସାମନ୍ତ ଯୋଗ ଦେଇଛନ୍ତି। ଏ ଅବସରରେ ସେ ଛାତ୍ରଛାତ୍ରୀଙ୍କୁ ପେନ୍ ବାଣ୍ଟିବା ସହ ବୃକ୍ଷରୋପଣ କରିଥିଲେ।
୨୦୧୩ରୁ ପାଳିତ ହୋଇ ଆସୁଛି ଆର୍ଟ ଅଫ ଗିଭିଂ ଦିବସ। ଶିକ୍ଷାବିତ୍ ଓ ସମାଜସେବୀ ଡକ୍ଟର ଅଚ୍ୟୁତ ସାମନ୍ତଙ୍କ ଦ୍ୱାରା ଆରମ୍ଭ ହୋଇଥିବା ଏହି ପ୍ରୟାସ ସମାଜରେ ଖୁସି, ସଂପ୍ରୀତି ଓ ସୌହାର୍ଦ୍ଦ୍ୟ ବଣ୍ଟନ ସହ ଅନ୍ୟକୁ ସାହାଯ୍ୟ କରିବା ପାଇଁ ପ୍ରେରଣା ଯୋଗାଇ ଆସିଛି। ପ୍ରତିବର୍ଷ ବିଭିନ୍ନ ବିଷୟବସ୍ତୁ ଉପରେ ଏହି ଦିବସ ପାଳନ କରାଯାଇଥାଏ। ଚଳିତବର୍ଷର ବିଷୟବସ୍ତୁ ରହିଛି ଆଶା-ଆନନ୍ଦ-ସଂପ୍ରୀତି ।