ହାଇଦ୍ରାବାଦ: ଫିନଲ୍ୟାଣ୍ଡରେ ଜଣେ ୧୮ ବର୍ଷୀୟ ନିଖୋଜ ଭାରତୀୟ ଛାତ୍ରଙ୍କ ମୃତଦେହ ସମୁଦ୍ରରୁ ଉଦ୍ଧାର ହୋଇଛି | ମୃତ ଛାତ୍ର ହାଇଦ୍ରାବାଦର ମନିଦୀପ୍ ରେଡ୍ଡୀ ବୋଲି ଜଣାପଡ଼ିଛି। ତାଙ୍କୁ ଶେଷ ଥର ପାଇଁ ମେ ୫ ତାରିଖରେ ହେଲସିଙ୍କିର ଏକ ମଲ୍ରେ ଦେଖିବାକୁ ମିଳିଥିଲା। ମନିଦୀପ୍ ରେଡ୍ଡୀ ଫିନଲ୍ୟାଣ୍ଡର ଲାପେନେରାଣ୍ଟା-ଲାହତି ଟେକ୍ନୋଲୋଜି ବିଶ୍ୱବିଦ୍ୟାଳୟି (ଏଲ୍ୟୁଟି) ଲାହତି କ୍ୟାମ୍ପସରେ ସଫ୍ଟୱେର୍ ଓ ସିଷ୍ଟମ୍ ଇଞ୍ଜିନିୟରିଂରେ ସ୍ନାତକ କରୁଥିଲେ। ମନଦୀପ୍ଙ୍କ ବାପା ଜି ମୁଥ୍ୟମ୍ ରେଡ୍ଡୀ ମଧ୍ୟ କହିଛନ୍ତି ଯେ, ସେ ଶେଷଥର ପାଇଁ ମେ ୫ ତାରିଖରେ ତାଙ୍କ ପୁଅ ସହିତ କଥା ହୋଇଥିଲେ। ମୁଥ୍ୟମ୍ ରେଡ୍ଡୀ କହିଛନ୍ତି, ତାଙ୍କ ପୁଅ ସେହିଦିନ କିଛି ଟଙ୍କା ମାଗିଥିଲେ। ତାଙ୍କ ପତ୍ନୀ ମମତା ତାଙ୍କୁ ଅନଲାଇନ ମାଧ୍ୟମରେ ଟଙ୍କା ଦେଇଥିଲେ। ତା’ପରଠାରୁ ପୁଅ ସେମାନଙ୍କ ସହିତ ଆଉ ଯୋଗାଯୋଗ କରିନଥିଲେ। ରେଡ୍ଡୀଙ୍କ ପରିବାର ମଧ୍ୟ ଏହି ମାମଲାରେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ମନଦୀପଙ୍କ ମୃତଦେହ ମିଳିବା ପରେ ପରିବାର ଲୋକ ସବିଶେଷ ତଦନ୍ତ କରିବାକୁ ଦାବି କରିଛନ୍ତି। ତେଲେଙ୍ଗାନା ହାଇକୋର୍ଟ କେନ୍ଦ୍ର ଓ ରାଜ୍ୟ ସରକାରଙ୍କୁ ଛାତ୍ରଙ୍କ ସନ୍ଧାନ କରିବାକୁ କହିଥିଲେ।