ନୂଆଦିଲ୍ଲୀ: ମହାରାଷ୍ଟ୍ର ବିଧାନସଭା ନିର୍ବାଚନ ମଧ୍ୟରେ ଦୀପାବଳି ଦିନ କଂଗ୍ରେସକୁ ଏକ ବଡ଼ ଝଟକା ଲାଗିଛି। କଂଗ୍ରେସ ନେତା ରବି ରାଜ ଦଳରୁ ଇସ୍ତଫା ଦେବା ପରେ ବିଜେପିରେ ଯୋଗ ଦେଇଛନ୍ତି। ରବି ରାଜ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି। ଏହି ଅବସରରେ ମୁମ୍ବାଇ ବିଜେପି ସଭାପତି ଆଶିଷ ଶେଲାର ମଧ୍ୟ ଉପସ୍ଥିତ ଥିଲେ। ବିଜେପି ରବି ରାଜଙ୍କୁ ମୁମ୍ବାଇର ଉପସଭାପତି କରିଛି। ଏହି ଅବସରରେ ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ, ଆଗାମୀ ଦିନରେ କଂଗ୍ରେସର ବଡ ଅଭିଜ୍ଞ ନେତାମାନେ ବିଜେପିରେ ସାମିଲ ହେବାକୁ ଯାଉଛନ୍ତି। ମୋତେ ବର୍ତ୍ତମାନ ନାମ ପଚାରନ୍ତୁ ନାହିଁ, ସମୟ ଆସିଲେ ନାମ ଜଣା ପଡିବ। ରବି ରାଜ ଯୋଗ ଦେବା ଦ୍ଵାରା ବିଧାନସଭା ନିର୍ବାଚନରେ ବିଜେପିକୁ ବହୁତ ଲାଭଦାୟକ ହେବେ।