ବହୁଚର୍ଚ୍ଚିତ କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାରେ ଅବସର ପ୍ରାପ୍ତ ପ୍ରଶାସନିକ ଅଧିକାରୀ ନିରଞ୍ଜନ ସେଠୀ ଗିରଫ ପୂର୍ବତନ ଓଆଇଏସ ଅଧିକାରୀ ନିରଞ୍ଜନ ସେଠୀ ଓଡିଶା ସରକାର ଙ୍କ ସୂଚନା ଓ ଲୋକ ସମ୍ପର୍କ ବିଭାଗ (ଟେକ୍ନିକାଲ ଡ଼ାଇରେକଟର ) ଅଧୀନ ରେ କାର୍ଯ୍ୟ କରି ଗତ ଫେବୃଆରୀ ୨୮ ରେ ଅବସର ଗ୍ରହଣ କରିଛନ୍ତି I ନିରଞ୍ଜନ ସେଠୀଙ୍କ ସହ ରଂଜନ ନାୟକ ନାମକ ଅନ୍ୟଜଣେ ଅଭିଯୁକ୍ତ କୁ ମଧ୍ୟ ଚାନ୍ଦବାଲି ପୋଲିସ ଗିରଫ କରିଛି I ମାନସ ସ୍ୱାଇଁ ଙ୍କୁ ଅପହରଣ କରିବା,ମାଡ଼ ମାରିବା ଓ ମୃତ ଶରୀରକୁ ଲୁଚାଇବା ଭଳି ସଂଗୀନ ଘଟଣା ରେ ନିରଞ୍ଜନ ସେଠୀଙ୍କ ହାତ ଥିବା ଚାନ୍ଦ ବାଲି ପୋଲିସ ପ୍ରେସ ମିଟ ଜରିଆରେ ପ୍ରକାଶ କରିଛି I ଏ ନେଇ ଚାନ୍ଦବାଲି ଆଡିସନାଲ ଏସପି ଯତୀନ ପଣ୍ଡା ଗଣମାଧ୍ୟମକୁ ସୂଚନା ଦେଇଛନ୍ତି।
ତେବେ ଏହି ଜଘନ୍ୟ ହତ୍ୟା କାଣ୍ଡ ର ମାଷ୍ଟର ମାଇଣ୍ଡ ୱେବ ପୋର୍ଟାଲ ମାଲିକାଣି ଶର୍ମିଷ୍ଠା ରାଉତ ଏପର୍ଯ୍ୟନ୍ତ ଫେରାର ରହିଛି Iକେବଳ ଶର୍ମିଷ୍ଠା ନୁହେଁ, ତାଙ୍କ ସହିତ ଆଉ ଜଣେ ମହିଳା ମଧ୍ୟ ଘଟଣା ପରଠାରୁ ଫେରାର ଅଛନ୍ତି । ସେହିପରି ପୂର୍ବରୁ ହତ୍ୟାକାଣ୍ଡରେ ସାମିଲ ଥିବା ତିନି ଅଭିଯୁକ୍ତଙ୍କୁ ଗିରଫ କରିସାରିଛି ପୋଲିସ । ତେବେ ଯେଉଁ କ୍ୟାମେରା ର ଚିପ କୁ ନେଇ ଏହି ଜଘନ୍ୟ ହତ୍ୟାକାଣ୍ଡ ଘଟିଯାଇଛି ,ସେହି ଚିପ ରେ କଣ ଥିଲା ,ସେ ସମ୍ପର୍କରେ ଏ ପର୍ଯ୍ୟନ୍ତ କୌଣସି ସଠିକ ତଥ୍ୟ ଜଣI ପଡି ନାହିଁ I ଏହାବାଦ ୱେବ ପୋର୍ଟାଲ ମାଲିକାଣି ଶର୍ମିଷ୍ଠା ରାଉତ ଙ୍କ ସହିତ ଶ୍ରୀ ସେଠୀ ଙ୍କର ସମ୍ପର୍କ କଣ ଏ ସମ୍ପର୍କ ରେ ବିଭିନ୍ନ ଆଡେ ଚର୍ଚ୍ଚା ଜୋର ଧରିଥିଲେ ମଧ୍ୟ ପର୍ଯ୍ୟନ୍ତ ପୋଲିସ ଏ ପର୍ଯ୍ୟନ୍ତ କୌଣସି ସଠିକ ତଥ୍ୟ ପ୍ରକାଶ କରିନାହିଁ Iଚାନ୍ଦବାଲି ପୋଲିସ ର ତଥ୍ୟ ଅନୁସାରେ ଯାହା ଜଣIପଡୁଛି ଖୁବ ଶୀଘ୍ର ଶର୍ମିଷ୍ଠା ରାଉତ ମଧ୍ୟ ପୋଲିସ କବ୍ଜାକୁ ଆସିବ I