ଭୁବନେଶ୍ୱର: ଓଡ଼ିଶାରେ ସହରୀ ଶାସନ ବ୍ୟବସ୍ଥାକୁ ସୁଦୃଢ଼ କରିବା, ପୌର ସଂସ୍ଥାଗୁଡ଼ିକର ଦକ୍ଷତା ବୃଦ୍ଧି ଲକ୍ଷ୍ୟରେ ରାଜ୍ୟ ସରକାରଙ୍କ ଫ୍ଲାଗ୍ସିପ୍ ପଦକ୍ଷେପ “ଅଙ୍କୁର” (Atal Network for Knowledge, Urbanisation and Reform)ର ସୂଚନା ସମ୍ବଳିତ ହ୍ୟାଣ୍ଡ୍ବୁକ୍ ଆଜି ଉନ୍ମୋଚିତ ହୋଇଯାଇଛି। ଭୁବନେଶ୍ୱରରେ ଆୟୋଜିତ ଅର୍ବାନ୍ ମୋବିଲିଟି ଇଣ୍ଡିଆ ସମ୍ମିଳନୀ ଓ ନ୍ୟାସନାଲ୍ ଅର୍ବାନ୍ କନକ୍ଲେଭ୍ ୨୦୨୬ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନଚରଣ ମାଝି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ANKURର ୧୧ଟି ସହଯୋଗୀ ସଂସ୍ଥାଗୁଡ଼ିକର ସୂଚନାପୁସ୍ତିକା ଉନ୍ମୋଚିତ ହୋଇଛି । ଅଙ୍କୁର ଅଧୀନରେ ଟାଟା ଷ୍ଟିଲ୍ ଫାଉଣ୍ଡେସନ୍, ଜନାଗ୍ରହ, ଅର୍ବାନ୍ ମ୍ୟାନେଜମେଣ୍ଟ ସେଣ୍ଟର୍, ଇ-ଗଭ୍ ଫାଉଣ୍ଡେସନ୍, ଲାଇଟ୍ହାଉସ୍ କମ୍ୟୁନିଟିଜ୍ ଫାଉଣ୍ଡେସନ୍, UN-Habitat, ପ୍ରସ୍ପେରିଟି, ଏୟାର ପଲ୍ୟୁସନ୍ ଆକ୍ସନ୍ ଗ୍ରୁପ୍, ଏୟାରାୱତ ରିସର୍ଚ୍ଚ ଫାଉଣ୍ଡେସନ୍, ସୋକ୍ରାଟସ୍ ଫାଉଣ୍ଡେସନ୍ ଓ WRI India ସମେତ ୧୧ଟି ସହଯୋଗୀ ସଂସ୍ଥା ସାମିଲ ହୋଇଛନ୍ତି । ଏହି ସଂସ୍ଥାଗୁଡ଼ିକ ସହରୀ ଯୋଜନା, ପୌର ଅର୍ଥନୀତି, ଡିଜିଟାଲ୍ ସେବା, ଜୀବିକା, ପରିମଳ ଓ ପରିବେଶ ସୁରକ୍ଷା ଭଳି କ୍ଷେତ୍ରରେ ବୈଷୟିକ ଜ୍ଞାନ ଓ ସହାୟତା ଯୋଗାଇ ଦେଉଛନ୍ତି । ସୂଚନା ଥାଉ ଯେ, ଗୃହ ଓ ନଗର ଉନ୍ନୟନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଉଷା ପାଢ଼ୀଙ୍କ ପରିକଳ୍ପନାରୁ ଆରମ୍ଭ ହୋଇଥିବା ଅଙ୍କୁରକୁ ରାଜ୍ୟ ସରକାର ୨୮ ମେ ୨୦୨୫ରେ ଆନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ ।