ପଞ୍ଜାବ: ଇଣ୍ଡିଆ ମେଣ୍ଟକୁ ପୁଣି ଏକ ଝଟକା। ମମତା ବାନର୍ଜୀଙ୍କ ପରେ ମେଣ୍ଟରେ ଚାଲିଥିବା ସିଟ୍ ସେୟାରିଂକୁ ନେଇ ପଞ୍ଜାବର ସିଏମ ଭଗବନ୍ତ ମାନ୍ ବଡ଼ ବୟାନ ଦେଇଛନ୍ତି। ପଞ୍ଜାବରେ ଦଳ କେବଳ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ ବୋଲି ଆପ୍ ସ୍ପଷ୍ଟ କରିଛି। ମାନ୍ କହିଛନ୍ତି ପଞ୍ଜାବ କଂଗ୍ରେସ ସହିତ ଆମର କୌଣସି ସମ୍ପର୍କ ନାହିଁ । ଆମ୍ ଆଦମୀ ପାର୍ଟି ପଞ୍ଜାବର ୧୩ ଟି ଲୋକସଭା ଆସନ ପାଇଁ ପ୍ରାୟ ୪୦ ଜଣ ପ୍ରାର୍ଥୀଙ୍କୁ ତାଲିକାଭୁକ୍ତ କରିଛି। ୧୩ ଟି ଲୋକସଭା ଆସନ ପାଇଁ ପ୍ରାର୍ଥୀଙ୍କ ପାଇଁ ଦଳ ଏକ ସର୍ଭେ କରୁଛି। ସେ ଆହୁରି ମଧ୍ୟ କହିଛନ୍ତି ଯେ ଚଣ୍ଡିଗଡ଼ରେ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ଗୋଟିଏ ଆସନ ମଧ୍ୟ ଚଣ୍ଡିଗଡ଼ର ରହିଛି। ଯାହାକୁ ଦଳ ଲୋକସଭା ଆସନରେ ୧୪ କୁ ବୃଦ୍ଧି କରିପାରିବ।
ସେପଟେ ଏହାରି ମଧ୍ୟରେ ଚର୍ଚ୍ଚା ହେଉଛି ଯେ ଦିଲ୍ଲୀରେ ଆମ୍ ଆଦମୀ ପାର୍ଟି ଏବଂ କଂଗ୍ରେସ ମଧ୍ୟରେ ଏକ ମେଣ୍ଟ ହୋଇପାରେ। ଦିଲ୍ଲୀରେ କଂଗ୍ରେସ ସହ ମେଣ୍ଟ ପାଇଁ ଆପ୍ ପ୍ରସ୍ତୁତ ଅଛି। ବର୍ତ୍ତମାନ ପର୍ଯ୍ୟନ୍ତ ଏଠାରେ ଥିବା ୭ ଟି ଆସନ ପାଇଁ ଫର୍ମୁଲା ପ୍ରସ୍ତୁତ ହୋଇନାହିଁ, କିନ୍ତୁ ଆସନ ବାଣ୍ଟିବା ନେଇ କଂଗ୍ରେସର ଜାତୀୟ ଆଲିଆନ୍ସ କମିଟି ଏବଂ ଆପ୍ ନେତାଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଯାଇଛି।
ତେବେ ମମତା ବାନାର୍ଜୀ ଏକାକୀ ଲଢ଼ିବେ ଏ କଥା ସ୍ପଷ୍ଟ କରି ବିରୋଧୀ ମେଣ୍ଟକୁ ଝଟକା ଦେଇସାରିଛନ୍ତି। ତାଙ୍କ ପରେ ପରେ ସିଏମ ଭଗବନ୍ତ ମାନଙ୍କର ସିଟ୍ ସେୟାରିଂକୁ ନେଇ ମତ ଆଗାମୀ ନିର୍ବାଚନରେ ନିଶ୍ଚିତ ପ୍ରଭାବ ପକାଇବ।