ନବକିଶୋର ଦାସ ହତ୍ୟା ମାମଲା। ଜେଲ୍ ଗଲା ଅଭିଯୁକ୍ତ ଗୋପାଳ ଦାସ । ଅଭିଯୁକ୍ତ ଗୋପାଳ ଦାସକୁ ଝାରସୁଗୁଡ଼ା ଜେଏମଏଫସି କୋର୍ଟରେ ହାଜର ପରେ ଅଭିଯୁକ୍ତକୁ ଝାରସୁଗୁଡ଼ା ଉପକାରାଗାରକୁ ନିଆଯାଇଛି। ତୃତୀୟ ପର୍ଯ୍ୟାୟ ରିମାଣ୍ଡ ସରିବା ପରେ କଡ଼ା ସୁରକ୍ଷା ବଳୟରେ ଗୋପାଳକୁ କୋର୍ଟରେ ହାଜର କରିଥିଲା କ୍ରାଇମବ୍ରାଞ୍ଚ।
ଗତକାଲି ବିଳମ୍ବିତ ରାତିରେ ଝାରସୁଗୁଡା ଅଣାଯାଇ ବିମାନବନ୍ଦର ଥାନାରେ ରଖାଯାଇଥିଲା। ପରେ ଓଏସଏପି ଦ୍ବିତୀୟ ବାଟାଲିଅନକୁ ନେଇ ଜେରା କରିଥିଲା କ୍ରାଇମବ୍ରାଞ୍ଚ। ନାର୍କୋ ଓ ପଲିଗ୍ରାଫ ଟେଷ୍ଟ ପାଇଁ ଗୋପାଳକୁ ଝାରସୁଗୁଡ଼ାରୁ ଗୁଜୁରାଟର ଗାନ୍ଧିନଗର ନିଆଯାଇଥିଲା। ଆଜି ଏନେଇ କ୍ରାଇମବ୍ରାଞ୍ଚ ତରଫରୁ ବିସ୍ତୃତ ସୂଚନା ଦିଆଯାଇପାରେ।
ତେବେ ଏ ନେଇ କ୍ରାଇମବ୍ରାଞ୍ଚ ପକ୍ଷରୁ ବିଧିବଦ୍ଧ ଭାବେ କିଛି କୁହାଯାଇନାହିଁ । ତେବେ ଗୋପାଳ ଜଣେ ସାର୍ପସୁଟର ଥିବା ବେଳେ ଜିଲ୍ଲା ପୁଲିସର ବନ୍ଧୁକ ଚାଳନାରେ ଉତ୍ତମ ପଦର୍ଶନ କରିଥିଲା । ଏସର୍ମ୍ପକରେ ଝାରସୁଗୁଡା ପୁଲିସଠୁୁ ତଥ୍ୟ ମାଗିଛି କ୍ରାଇମବ୍ରାଞ୍ଚ ।