ଭୁବନେଶ୍ବର: ପୁରୀରେ ନିର୍ମାଣ ହୋଇଛି ତିନି ମହଲା ବିଶିଷ୍ଟ ଗଣେଶ ମୂର୍ତ୍ତି ଯାହା ପୁରୀ ପେଣ୍ଠକଟା ଜଗନ୍ନାଥ ଷ୍ଟାଡିୟମ ନିକଟରେ ହୋଇଛି। ଏହି ମୂର୍ତ୍ତିକୁ ନିର୍ମାଣ କରିବାକୁ ପ୍ରାୟ ୨ ମାସ ଲାଗିଥିଲା। ମଙ୍ଗଳମୁଖୀ ଯୁବ ମହାସଂଘ ତରଫରୁ ପ୍ରାୟତଃ ୮୦ଜଣରୁ ଊର୍ଦ୍ଧ୍ୱ ଏହି ପୂଜାରେ ସାମିଲ ହୋଇ କାର୍ଯ୍ୟକୁ ଆଗକୁ ବଢ଼ାଇଛନ୍ତି। ଏହି ମୂର୍ତ୍ତିର ଉଚ୍ଚତା ଦୀର୍ଘ ୩୪ରୁ ୩୫ ଫୁଟ ହେବ ଯାହାକି ତିନି ମହଲା କୋଠାର ଉଚ୍ଚତା ଭଳି ଏବଂ ଓସାର ୨୦ ରୁ ୨୨ ଫୁଟ। ଏଥିସହ ମହାପ୍ରଭୁଙ୍କ ହାତରେ ଥିବା ଲଡୁର ସାମଗ୍ରୀ ପ୍ରାୟତଃ ୩୫ କେଜି ରୁ ଅଧିକା ଲାଗିଥିବାରୁ ସବୁ ମିଶାଇ ତାକୁ ପ୍ରସ୍ତୁତ କରିବା ପରେ ଏହାର ଓଜନ ପ୍ରାୟତଃ ଅନୁମାନିକ ୪୦ ରୁ ୪୫ କେଜି ହୋଇଥିବାର ଆଶା କରାଯାଉଛି। ସୂଚନା ଥାଉ କି ଗତ ବର୍ଷ ସେମାନେ ୨୫ ଫୁଟ ଉଚ୍ଚତାର ମୂର୍ତ୍ତି ନିର୍ମାଣ କରିଥିବାରୁ ଭକ୍ତଙ୍କ ଆଗ୍ରହ ଏବଂ ଉଲ୍ଲାସ ବଢ଼ିଥିଲା।