କ୍ୟୁବାର ରାଜଧାନୀ ହଓ୍ୱାନାରେ ବଡ଼ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣ ହଓ୍ୱାନାର ଏକ ବଡ଼ ହୋଟେଲରେ ହୋଇଥିବା ବେଳେ ବିସ୍ଫୋରଣ ଯୋଗୁ ୨୨ ଜଣଙ୍କ ମୃତ୍ୟୁ ଘଟିଥିବା କୁହାଯାଉଛି । ଏହା ସହିତ ୭୫ ରୁ ଅଧିକ ଲୋକ ଆହତ ହୋଇଥିବା ବେଳେ ଅନେକ ଲୋକ ଏପର୍ଯ୍ୟନ୍ତ ନିଖୋଜ ଅଛନ୍ତି I ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ବିସ୍ଫୋରଣ ହେବା ସମୟର ଏକ ଭିଡିଓ ବର୍ତ୍ତମାନ ଭାଇରାଲ ହେବାର ଲାଗିଛି । ଯେଉଁଥିରେ ଦେଖିବାକୁ ମିଳିଛି ଏକ ପାଞ୍ଚ ତାରକା ହୋଟେଲରେ ବିସ୍ଫୋରଣ ହେଉଛି । ମାତ୍ର କିଛି ସମୟ ମଧ୍ୟରେ ସରା ଅଞ୍ଚଳ ଧୂଆଁମୟ ହୋଇଯାଉଛି ।
ଦି ଗାର୍ଡିଆନ୍ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ କ୍ୟୁବାର ରାଷ୍ଟ୍ରପତି ମିଗୁଏଲ୍ ଡିଆଜ୍-କାନେଲ୍ କହିଛନ୍ତି ଯେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଗ୍ୟାସ୍ ଲିକ୍ ଯୋଗୁଁ ଏହି ବିସ୍ଫୋରଣ ଘଟିଛି। ହାଭାନା ରାଜ୍ୟପାଳ ରେନାଲ୍ଡୋ ଗାର୍ସିଆ ଜାପାଟାଙ୍କ କହିବାନୁସାରେ, ଦୁର୍ଘଟଣା ସମୟରେ ସାରାଟଗା ହୋଟେଲରେ ପର୍ଯ୍ୟଟକ ନଥିଲେ I ଏହି ପୁରୁଣା ଏବଂ ପାଞ୍ଚ ତାରକା ହୋଟେଲରେ ଦୁଇଟି ବାର୍, ଦୁଇଟି ରେଷ୍ଟୁରାଣ୍ଟ ଏବଂ ଏକ ସୁଇମିଂ ପୁଲ୍ ଅଛି I କୁହାଯାଉଛି କି ଗ୍ୟାସ୍ ଲିକ୍ ଯୋଗୁ ଏହି ବିସ୍ଫୋରଣ ହୋଇଥିବା ଅନୁମାନ କରାଯାଉଛି । ଅନ୍ୟପଟେ ବିସ୍ଫୋରଣ ଯୋଗୁ ହୋଟେଲଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି ରାଷ୍ଟ୍ରପତି ମିଗେଲ ଡିୟାଜ କନେଲଙ୍କ କାର୍ଯ୍ୟାଳୟରୁ ଏନେଇ ସୂଚନା ଦିଆଯାଇଛି।