ନୂଆଦିଲ୍ଲୀ: ଦିଲ୍ଲୀର ଜନ୍ତର ମନ୍ତରଠାରେ ‘ସିଟିଜେନ୍ସ ଫର ଜଷ୍ଟିସ ଆଣ୍ଡ ପିସ୍’ (CJP)ର ଆନ୍ଦୋଳନ ଆଜି ୨୩ ତମ ଦିନରେ ପହଞ୍ଚିଛି। ଆଜି ହଜାର ହଜାର ଆନ୍ଦୋଳନକାରୀ ପୋଲିସ ନିର୍ଦ୍ଦେଶକୁ ଅମାନ୍ୟ କରି ସଂସଦ ଅଭିମୁଖେ ପଦଯାତ୍ରା ଆରମ୍ଭ କରିଛନ୍ତି। ‘ନିଟ୍’ ପ୍ରଶ୍ନପତ୍ର ଲିକ୍ ଏବଂ ପରୀକ୍ଷା ଅନିୟମିତତା ପ୍ରତିବାଦରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରି CJP ପକ୍ଷରୁ ‘ସଂସଦ ଘେରାଉ’ ଆହ୍ୱାନ ଦିଆଯାଇଛି। ଏହି ଶୋଭାଯାତ୍ରାରେ ସାମିଲ ହେବା ପାଇଁ ଜନ୍ତର ମନ୍ତରରେ ପ୍ରାୟ ୮ ହଜାର ଆନ୍ଦୋଳନକାରୀ ଏକତ୍ରିତ ହୋଇଥିବା ଦିଲ୍ଲୀ ପୋଲିସ ସୂଚନା ଦେଇଛି। ଅନ୍ୟପଟେ, ଆରଜେଡି ସାଂସଦ ମନୋଜ ଝା, ସିପିଆଇ ସାଂସଦ ରାଜାରାମ ସିଂ, ଅମରାମ, ଅଭିନେତ୍ରୀ ଶବାନା ଆଜମୀ, ଅଭିନେତା ପ୍ରକାଶ ରାଜ ଏବଂ ସାମାଜିକ କର୍ମୀ ଯୋଗେନ୍ଦ୍ର ଯାଦବ ସୋମବାର ସକାଳେ ଜନ୍ତର ମନ୍ତରରେ ପହଞ୍ଚି ଅଲ୍ ଇଣ୍ଡିଆ ଷ୍ଟୁଡେଣ୍ଟସ୍ ଆସୋସିଏସନ୍ ର ଆନ୍ଦୋଳନରତ ଛାତ୍ରଛାତ୍ରୀଙ୍କୁ ଅନଶନ ଭାଙ୍ଗିବାକୁ ଅନୁରୋଧ କରିଛନ୍ତି।