ଢାକା : ୩୦-୦୭-(ପି.ଏନ.ଏ) ବାଂଲାଦେଶରେ ରେଳଧାରଣାର ସଂସ୍ପର୍ଶରେ ଆସି ୧୧ ଜଣଙ୍କର ମୃତ୍ୟୁ ହୋଇଛି । ମିନିବସ୍ ଉପରେ ଟ୍ରେନ୍ ଚଢ଼ିଯାଇଛି । ଏହି ଅଭାବନୀୟ ଘଟଣାର ଶିକାର ହୋଇଥିବା ଅନ୍ୟ ୬ ଜଣଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁର୍ଘଟଣାର ଶିକାର ହୋଇଥିବା ଲୋକେ ଏକ ମିନିବସ୍ରେ ଜଳପ୍ରପାତ ଦେଖିବାକୁ ଯାଇଥିଲେ ଏବଂ ଫେରିବା ବାଟରେ ଦୁର୍ଘଟଣାର ଶିକାର ହୋଇଥିଲେ । ଏହି ଘଟଣା ଚଟ୍ଟୋଗ୍ରାମର ମୀରଶରାଇ ଅଞ୍ଚଳରେ ଘଟିଛି । ଘଟଣା ସମୟରେ ରେଳଲାଇନ୍ର ଫାଟକ ଖୋଲା ଥିଲା । ଏଥି ପାଇଁ ମିନିବସ୍ର ଚାଳକ ଧ୍ୟାନ ଦେଇ ନଥିଲେ । ଦୁର୍ଘଟଣା ପରେ ବସ୍କୁ ଟ୍ରେନ୍ ଗୋଟିଏ କିମି ଯାଏଁ ଘୋଷାଡି ନେଇଥିଲା ।
ପୋଲିସ କହିବା ଅନୁସାରେ ୯ ଜଣ ଯାତ୍ରୀଙ୍କର ପରିଚୟ ମିଳିସାରିଛି । ସମସ୍ତ ମୃତକ ଉପଜାର ଅମନ ବାଜାର ଅଞ୍ଚଳର । ଏମାନେ ସମସ୍ତେ ଏକ କୋଚିଂ ସେଣ୍ଟରର ଛାତ୍ର ଓ ଶିକ୍ଷକ ଥିଲେ । ମୃତକଙ୍କ ମଧ୍ୟରେ ୪ ଜଣ ଶିକ୍ଷକ ସାଜିବ, ରକିବ ଓ ରେଡୱାନ ଥିଲେ । ଅନ୍ୟ ୫ ଜଣ ହେଲେ ହିଶାମ, ଆୟତ, ମାରୁଫ, ତସଫିର ଓ ହାସନ । ଏମାନେ ସମସ୍ତେ ଏସଏସ୍ସି ଓ ଏଚଏସସି ପାଇଁ ପ୍ରସ୍ତୁତ ହେଉଥିଲେ ।